الجمعة 28/فبراير/2025 - 12:36 ص

كشف الفنان محمد رمضان، تفاصيل احتفاله في برنامجه مدفع رمضان، بذكرى العاشر من رمضان التي تتزامن مع حرب أكتوبر المجيدة، في رفح واستضافته أبطال الحرب.

وقال محمد رمضان، في مداخلة هاتفية برنامج مساء DMC: يوم 10 رمضان بنسبة كبيرة هنكون في رفح بمناسبة العاشر من رمضان، هيكون معانا الأبطال ونستعيد ذكريات سيناء العظيمة والعزيزة اللي جبناها بـ دماء أجدادنا وأبطال حرب أكتوبر، واللي عايشين جابوا لينا انتصار بنفتخر بيه حتى الآن.

وعن برنامجه مدفع رمضان، فتحدث محمد رمضان، قائلًا: إحنا كنا عايزين نوصل للجنوب وبحري والقاهرة والجيزة والإسكندرية، يعني بدأنا من القاهرة وبعدين الأليوبية والعياط وبني سويف، الحمد لله العربيات وصلت أسيوط وسوهاج وقنا وأسوان، ولسه عندي 10 رحلات تانيين منهم بورسعيد ودمياط والسويس، بإذن الله يوم 6 رمضان في بورسعيد وفي نفس اليوم هروح السويس ودمياط كمان.

محمد رمضان مع منى الشاذلي

وأعلن الفنان محمد رمضان، حلوله ضيفًا على الإعلامية منى الشاذلي، إذ قال في رسالة صوتية عبر قناته الرسمية بالواتساب: حبايبي كل سنة وأنتم طيبين، النهاردة نزلت أغنية رمضان في رمضان، يارب تعجبكم وبتتعرض دلوقتي على قناة DMC، وإن شاء الله أشوفكم بكرا مع منى الشاذلي الساعة 9 مساء، في لقاء جميل بإذن الله، نتسحر سوا، واستنوا مدفع رمضان بعد الأذان على DMC، ورمضان كريم وكل سنة وأنتم في سعادة ونجاح وراحة بال.