قعدت أدعيله بعدد شعر راسي.. أول تعليق للحاجة بدر بعد مكسبها مع الفنان محمد رمضان - بوابة مولانا

الأحد 02/مارس/2025 - 02:53 م

أعربت الحاجة بدر السيدة المسنة صاحبة فيديو.. بالصلاة على النبي، التي لفتت الأنظار في برنامج مدفع رمضان بعد لقائها بالممثل محمد رمضان، عن مشاعرها بالمحبة والإخلاص لمقابلتها بالفنان خلال ركوبها القطار. 

أول تعليق للحاجة بدر بعد مكسبها مع الفنان محمد رمضان

وفي تصريحات الحاجة بدر لموقع القاهرة 24، قالت إنه بادر بالسلام عليها وسأل عن ابنها، كما قدم لها ولزوجها مبلغًا ماليًا، وأكدت أنها تحبه ليس من أجل المال، بل لأنه شخص محترم، مُشيرةً إلى أنها تدعو له دائمًا وتتمنى رؤيته مرة أخرى.

وقالت الحاجة بدر: انا ماشية اركب القطر، لقيت واحد ماشي لقيته محمد رمضان وانا لسة رايحة ناحيته لقيته هو جايلي وبيقولي عاملة ايه يا أمي وسألني عن ابني وقالي عايز اروح له، ولقيته مطلعلي 50 ألف ليا و50 الف لجوزي، والشنطة اللي في إيدي كان فيها بط وأكل. 

الحاجة بدر: محمد رمضان شخص محترم

وتابعت عن ظرف وجودها خلال هذا التوقيت: بروح زيارة لأبني كل 25 يوم المستشفى النفسية بقالي سنتين، ومحمد رمضان شخص محترم وقعد يبعد الناس عني عشان محدش يلمسني، قعدت ادعيله بعدد شعر رأسي وأقوله يكفيك شر المرض ويصلح حاله ويخليله عياله ويخليله اهله. 

وأضافت: يارب يوسع عليه رزقه هو زي ابني بظبط، انا مش بشتغل وهموت واشوفه تاني وأحضنه وأبوسه، انا بحبه من غير فلوس الحكاية مش حكاية فلوس، أنا قعدت ازغرد ومكنتش حاسة من الفرحة.

ووجهت للفنان محمد رمضان رسالة، قائلة: أنا بحبك يا محمد يا رمضان يا حبيبي من غير فلوس، وأول ما شوفت الفيديو على التليفون قعدت أزغرد.