صغيرة: هنعمل إيه لو طلع الحب بين الشباب والبنات حرام والأهل عارفين؟.. علي جمعة: ده العبط المشلتت - بوابة مولانا

الأحد 02/مارس/2025 - 02:20 م

أجاب الدكتور علي جمعة، عضو هيئة كبار العلماء، على سؤال ورد إليه من فتاة صغيرة نصه: سمعت حضرتك بتقول إن الحب بين البنات والشباب حلال طالما الأهل عارفين فهعمل إيه لو طلع حرام؟.

صغيرة: سمعت بتقول الحب بين البنات والشباب حلال طالما الأهل عارفين فهعمل إيه لو طلع حرام؟

وقال خلال تصريحات تليفزيونية: فجأه طلع حرام، هذا نسميه على طول العبط المشلتت، اللي أنا قلته إن الله لا يحاسب على ما في القلوب؛ لأن النبي قال: من عشق وكتم وعف فمات فهو شهيد.

 وتابع: وبعدين فجأه طلع حرام هذا نسميه على طول العبط المشلتت؛ لأن رسول الله صلى الله عليه وسلم علمنا أن الوضوء من شروط الصلاة، فجيت أن وغسلت وجهي ثم غسلت يدي إلى المرفقين ثم لم أكمل وذهبت أصلي؟، ينفع الكلام ده، لا، لأني فعلت بعض الشروط، وكل الشروط هي الشروط الوش والإيدين والرأس والرجلين، هيطلع حرام لو معملتش شرط، يعني لا مسحت رأسك ولا غسلت رجلك.

وواصل: اللي أنا قولته السنة اللي فاتت، الله لا يحاسب على ما في القلوب؛ وده لأن النبي قال: من عشق وكتم وعف فمات فهو شهيد، متابعا: مين قال ومين عاد مليش علاقة، لو طلع حرام يبقى فقدت شرط.

وأكمل علي جمعة: لابد من العفاف وألا يكون سرا ويكون أبوكي والجيران وكله عارف إن حصل مشاعر، والمشاعر مش حلال وحرام لأن الله قال: والكاظمين الغيظ، فالغيظ هل حرام؟، الناس فاهمة خطأ.