الإثنين 03/مارس/2025 - 08:00 م

قال عصام الحضري حارس وقائد المنتخب الوطني السابق، إنّه الهرم الرابع في مصر، بسبب بطولاته وإنجازاته التي حققها في الكرة المصرية.

تصريحات عصام الحضري

وأضاف عصام الحضري: أنا اسمي عصام الحضري، ولا أعرف شيئا اسمه التريند، وألقابي وإنجازاتي وكل حاجة تخليني أفتخر وأقول إني الهرم الرابع، والتاريخ اللي أنا عملته يخليني أقول أي حاجة.

وتابع عصام الحضري، أن أحمد حسن، محمد أبو تريكة، وائل جمعة، عماد متعب، عمرو زكي، سيد معوض، محمد زيدان، حسن شحاتة، والكابتن محمود الخطيب كلهم أساطير في الوطن العربي وإفريقيا، لكن في العالم مفيش غير محمد صلاح وأنا، والكلام ده بيزعل الناس بس يزعلوا.

وتحدث عصام الحضري حارس وقائد المنتخب الوطني السابق، عن دافعه وراء الحديث عن نفسه بشكل جيد، قائلا: أشكر في نفسي، عشان افرض الناس مش بتحبني أو الناقد ده مش بيحبني، والجمهور على عيني وراسي، وأتكلم عن نفسي وأفتخر بتاريخي بعد الاعتزال.

وتابع حارس الفراعنة السابق: من حقي أفتخر بنفسي وألقابي وإنجازاتي في أي وقت، وبالنسبة للتريند، فأنا لا أعرفه، فيما اختتم عصام الحضري أنه يحترم الجميع، لكنه حريص على الحديث عن نفسه باعتباره أسطورة، بعدما حقق إنجازات كبيرة في مشواره الكروي.