الإثنين 03/مارس/2025 - 07:14 م

تصدر اسم اللاعب إبراهيم شيكا تريند مواقع التواصل الاجتماعي خلال الساعات القليلة الماضية، بعد تدهور حالته الصحية، بسبب إصابته بمرض سرطان المستقيم في مراحل متأخرة.

حما شيكا يكشف آخر تطورات حالته الصحية

وقال أيمن تركي حما اللاعب إبراهيم شيكا لـ القاهرة 24: حالة شيكا متأخرة جدًا، ونفسي الناس كلها تدعيله من أول يوم رمضان اتنقل للمستشفى بالتجمع الخامس عشان تعب جدا وجاله ضعف في جهاز المناعة، ومن 10 أيام وهو مانع الأكل مش بياكل خالص.

وأضاف: الدكتور قال إنه هيتبنى حالة شيكا وهيتبرع له عشان العلاج، وقدمله بالفعل مبلغ 250 ألف جنيه بس مبلغ قليل مقارنة بحالة شيكا، وجلسة العلاج الواحدة بمبلغ 100 ألف جنيه، وبنتي هبة دايما مع شيكا لحظة بلحظة ومش بتسيبوا ربنا يشفيه.

وتابع: شيكا تعب جامد بسبب المرض وناس كتير بتدعيله ونفسها يعمل العملية وهو من فترة كبيرة عمل تحويل مسار عشان الورم اللي في الأمعاء اللي بيعاني منه، متابعا: الأمل الوحيد اللي قدامنا إن الناس تدعيله وربنا الشافي المعافي واحنا مؤمنين بقضاء الله وقدره، وإن شاء الله ربنا يهون عليه الفترة دي ويقوم بالسلامة.